Tag Archives: pëtlë ë jinsze ùrzasë

Słowò


jem rëbama
dëbelt
swiądową
personą egoistnégò
dzélu swiata
co sã zwie sóm z se
żëcima
na grańcë
żëcégò

jem człowiekã
tej sej
z jedurną
wëstrzód jestestwa swòjégò
juwernotą
samą z se mdącą
rësznotą
na gréńcë
rësznotów

jem sztudérą
słowò
piszącim
nie z tégò swiata mdącégò
czëtającim
i spiéwającim
dokôzë
na gréńcë
dokôzów

jem Kaszëbą
tuwò
jisniejã
z wëboru ùrodzeniégò
wiedno ze sobą
sómim móm blós
jiscenié
na gréńce
jisceniów

Słowò” abò 19.12.10

… Ùmiéróm …

Kôżdégò dnia ùmieróm
Ë żdajã na kùńc mãczi
Jidã w wanodze bez żëcé
Pòmalë stąd òdchôdóm

Kôżdégò dnia wëzéróm
Za słuńcã tam dze z bòrów
Cemnégò wiatru zwãk chùchów
Ë psë bez miesąc wëją

Zmetlałi pòmión zwònów
Z zataconégò zômkù
Bez las wcyg szëmë sã niosą
Spiącégò wòjska stãpiów

A jô jem jak nen pòmión
Jak nen stãpień pòmalë…
Czasã czej strzébrznô môłniô le
W mëszlë sã òdrodziwóm

Ùmiéróm” abò 30.11.10

mieso-strach

ë znowù drëgô dwadzëscë szesc
nie spiã
na czwiôrdi zemi sedzã
ùtesknioni wëro żdaje
za òknã wëstrzódnocny miesąc swieci
ë smieje sã z mòjégò òbarchnialstwa
ë bleczi jak kòza milionama kòmùdnich kroplów
ë szëmi stôrą piesniã Grzenié
widzëma sã wzajemno, chòc bòjã sã wzérac na niégò
le wiém, że òn widzy ë żdaje
zarô so legnã
zabëczã ò pisanim
nicht tegò nie wëczëtô
co jem schòwôł w mòji szufladze pòd katalogã
pëtlë ë jinsze ùrzasë
kù rëszce sóm wiérztą tegò nie pòzwã

”mieso-strach” abò 23.9.10