Chaos nama grô

Co dzéń jô klikajã
nen klikôcz w mòjim łepie
ë pstrëkóm nen pstrëkôcz

Wëłączóm ë wcyg wëłączóm,
chòcle wid wcyg sã pôli
gasnie mie nen trzón

Czedë zadzejô – ju sã nie włączi
dëbeltny rôz kòłowrótk
na szczescé swiata ë mie

Òstëgnie na stegna drãgòscë
òstôną nodżi w parłączce
na wiedno – blós ni më

A tej pòlecysz pò brzątwieniów kréz
zaniesesz part mie zez wiatrã
dzélek rëchli wëdzélony

Ë dóm sã zrzeszëc wew hùrmie
złômónëch wietwów
bez szlagã Roda

Wëkliknie mie ë wëpstrëknie
na kanadnych stepach
mòdry mòtilk wirëjąc skrzidłama

Chaos nama grô” abò 19.6.11

3 thoughts on “Chaos nama grô”

  1. Òstôgnie na stegna drãgòscë
    òstôną nodżi w parłączce
    na wiedno – blós nié më

    A tej pòlecysz pò brzątwieniów kréz
    zaniesesz part mie zez wiatrã
    dzélek rëchli wëdzélony

    Ë dóm sã zrzeszëc wew hùrmie
    złômónëch wietwiów
    bez szlagã Roda

    Co to je “Òstôgnie”?

    fejn, fejn, to mie sã baro widzy

  2. Wierã mô bëc “òstignie” / “òstëgnie” (móm so zmiloné, bò ù mie lëdze gôdają – [łestegnie] ë wiedno ‘ô’ jakno ‘e’ – ach nen Lewińskò-Strzépsczi drãdżi dialekt ;))

  3. Ë jô téż jem to czëtół – [łestegnie], co dlô mie bëło cekawé w przërównanim do pòsóbnégò dzélëkù wiérzta.

Leave a Reply

Your email address will not be published. Required fields are marked *