Òd dzysô wszëlejaczé wiodła ò karnie “Miastowi” najdzeta téż na starnie:
http://www.myspace.com/miastowi
Rôczã serdeczno

Òn zôwzãtim pitą bëł, jich bëło ze dwa milionë
Òn spiéwôł so stôrą piesń, òni nie rozmiele gò.
Spiéwôł ò tim co bënë czuł, frantówkã swòją na trzë
Że ju nót bë zwalëc mùr, òni spiéwalë tak së:

Wzérô z tamtégò swiata wcyg
Ë cëchò spiéwie, a më z nim
Że mùrë rosną, rosną, rosną
Nowi lińcuch kòle szpér…

“Jackòwi” abò 19.8.10

Szedł jem bez wejrowsczi rënk
Szadé mëslë we łbie miół
Tej czëjã Smãtka prawie kòl se
Bez remiã ful strachù wzéróm
Ë widzã szterech drechów
Co chòdzą wëgòleni
Przëzdrzele sã mie całémù
Ë zarô wkół stale

Nie lubiã Grifa! (ò nié!)
Jô kòchóm! (Reggae Ferije)
Nie lubiã Kaszëb (ò nié!)
Jô kòchóm (Reggae Ferije)
Nie lubiã reggae (ò nié!)
Jô kòchóm (Reggae Ferije)

“Reggae Ferije” – abò 18.8.10

* * *
je grëpą zabëtich dokôzów
pòétów znónich nieznónim

* * *
kù rëszce
wiedno nieòcenionô

” * * * – Wòlnota.” abò 17.8.10

Jakò pierszi na swiece a téż na całich Kaszëbach ;P sparłãcził jem dzysô w nocë òpisë Kaszëbsczich Dëchów (òd A. Labùdë) z òdjimkama szlachòtów jaczé stoją we Gminie Lëniô. Jażle chtos jesz nie miół òkazje jich òbaczëc tej mòże chòc mòje marne òdjimczi òbezdrzëc

http://csb.wikipedia.org/wiki/Pòczuj Kaszëbsczégò Dëcha

Mòże w rujanie ùda sã dac cos taczégò do Pòmeranié… Ùzdrzimë

Pòzdrówczi dlô wszëtczich!

W slôdnim tydzeniu jem sã përznã pòbawił na kaszëbsczi wikipëdie, a òsoblewié przë wszëtczim co sã parłãczi z mòją gminą, to je z gminą Lëniô.
Móm tam dopisónë co jem wiedzôł ë co nalôzł w wszëlëjaczich môlach na nen temat, a wszëtkò przezdrzôł ë czasã pòprôwił Karól Róda za co mù dzãkùjã, że chcało jemù sã to wszëtkò òbzérac ë szëkac mòjich felów…
Ale pòdóm tuwò adrés òd chtërnégò mòżece so pòczëtac co to sã w gminie Lëniô dzeje ë jak na cała gmina wëzdrzi

http://csb.wikipedia.org/wiki/Gmina_Lëniô

Zachãciwóm téż Waju do taczi robòtë, òsoblewié przë swòjich gminach ë ”môłich tatczëznach”

Witôjta!
Ògłaszóm jinicjatiwã, żebë przekazac wiodło ò pòstãpnim nabòrze (“dopełnienim limitów”) na Pòlską Filologiã z Kaszëbistiką, chtërne je na GÙ, dlô jak nôwikszi lëczbë lëdzi, chterni jesz òbzérają sã za sztudiama. Je jesz 21 wòlnich placów na sztudia!

Czile starnów ò Kaszëbistice jaczé mòżna pòdac na swòjich starnach
* profil na nk – http://nk.pl/profile/33878035
* temat na fòrum GÙ – http://forumrekrutacji.ug.edu.pl/index.php?topic=7100.0
* wiodło na starnie GÙ – http://www.ug.edu.pl/pl/info_dla_kand/?tpl=rekrutacja1011/dodatkowa1011

Mëszlã, że to sygnie
Zachãciwóm jesz rôz wszëtczich do pòdaniégò dali wiodła ò Kaszëbistice na GÙ Gwës, że jesz nie wszëtce ò tim wiedzą, a reklamô je dosc słabô ë małô…
Dzãka!
Pòzdrówczi.

Jeden knôp spëtôł nôrozëmniészégò z lëdzi ò krëjamnotã szczescégò.
Mãdrzca kazôł mù obéńc swój zómk ë przińc nazôd pò dwóch gòdzënach.
- Proszã blós ò jedno – rzek jesz Mãdrzca, dôwając mù lôfkã, do chtërni nalôł dwie
krople òliwë: – Òb czas wanodżi nies ną lôfkã, blós tak, żebë të nie wëlôł té òliwë.

Pò dwóch gòdzënach knôp przëszed nazôd a Mãdrzca sã gò spëtôł:
- Widzôł të në snôżi ògardë? A òsoblewé pergaminë?
Knôp sã sromôł, le wëznôł, że nick taczégò nie widzôł.
Miół starã blós ò to, żebë nie wëlac òliwë z lôfczi.

- Copnij sã ë òbôcz wszëtczé cëdë mòjégò swiata – pòwiedzôł Mãdrzca.
Knôp wzął lôfkã ë jesz rôz dôł sã w rézã, a wszëtkò terôzka òbzérôł.
Òbacził snôżi ògardë, kwiôtë a òsoblewe dokôzë arceznë całégò swiata.
Przëszed nazôd i òpòwiedzôł Mãdrzcowi ò wszëtczim co widzôł.

- A dze të môsz ne dwie krople òliwë, co jem cë dôł? – spëtôł Mãdrzca wzérając na lôfkã.
Knôp dopiérze ùzdrzôł, że ju jich ni mô. – Terô blós jedno mògã cë pòradzëc – rzek Mãdrzca:
- Krëjamnota szczescégò je w tim, żebë òbzérac wszëtczé cëdë swiata,
a przë tim dbac ò ne dwie krople òliwë, jaczi sã niese òb nen czas na lôfce.

1/2.7.10 – Szczescé

A më jesmë naszi
Naszich nie wëstraszi
A më jesmë naszi
Më jesmë, më jesmë
Më jesmë Kaszëbi.

Jak më wieczór wëszlë
Tak më reno przëszlë
Jak më wieczór wëszlë
Bò më sã, bò më sã,
Bò më sã bawilë.

28.6.10 – A më jesmë naszi
(nowô frantówka – melodiô w głowie ;D)

Në to ju kùńc robòtë przë nagriwanim singla, co më go dobëlë na “Kaszëbsczich Spiéwach”. Dzysô pòszło w swiat ;D Dodajã jesz nônowszą wersejã “Kòlibiónczi ò Dźonie i Mery” pòd słowa Tómka Fopke ną òstatnią.

Karno mô na raze pòzwã “Miastowi”
Kòlibiónka ò Dżonie i Mery

—-
ed. 28.6.10